- Unha adhesión que nos permitirá optar ás convocatorias de subvencións da Deputación para consolidar este Plan, que axudará a cumprir con algunhas das obrigas establecidas na nova Lei 7/2022 de 8 de abril de Residuos e Solos Contaminados.
- Entre estas obrigas está a reducción dos biorresiduos, establecido nun 20% anual a partires do 2022 e nun 15% dende 2027.
O Plan Revitaliza pretende impulsar un modelo de residuos baseado na compostaxe e no tratamento a quilómetro cero dos biorresiduos municipais. A súa razón de ser é que os concellos da provincia cumpramos os obxectivos fixados na normativa europea, estatal e autonómica en canto a porcentaxes de residuos orgánicos recolleitos e aproveitados.
PARA POÑER A ANDAR O PLAN REVITALIZA A DEPUTACIÓN ABRIU UNHA SERIE DE SUBVENCIÓNS E LIÑAS DE AXUDAS PARA OS CONCELLOS.
Tras demostrar que a compostaxe dos biorresiduos nos concellos da provincia é perfectamente viable, a Deputación de Pontevedra iniciou unha nova fase para facilitarlles aos municipios a súa implantación como sistema global.
A segunda fase do Plan Revitaliza esixe aos concellos unha adhesión e compromiso formal para tratar a fracción orgánica do lixo mediante a compostaxe.
Unha vez formalizada esta adhesión, o Concello poderá beneficiarse de tres liñas de colaboración: formación do persoal, elaboración dun plan de residuos e subvención de compra de composteiros.