Teatro
O Concello da Cañiza continúa co seu ciclo de “Teatro de Outono”
Este sábado, 8 de novembro de 2025, ás 20:30 h, o Auditorio Municipal da Cañiza acollerá a representación da obra “De algo hai que morrer”, da compañía Malasombra Produccións, dentro do programa +ESCÉNICAS promovido pola Deputación de Pontevedra.
Sinopse
“De algo hai que morrer” é unha comedia chea de humor, reflexión e retranca galega. Dous prestixiosos e peculiares científicos, os profesores Jeckill e Hyde, presentan as súas investigacións sobre un tema que afecta ao cento por cento da poboación mundial: a morte. A través de situacións disparatadas, entrevistas imposibles e moito enxeño, o público descubrirá que... de algo hai que morrer, aínda que sexa de risa!
O espectáculo está protagonizado por Xoque Carbajal e Jouse García, con dirección de Marcos Orsi, e conta cun equipo artístico de primeiro nivel en escenografía, iluminación e vestiario. A obra foi recoñecida co Premio FETEGA 2023.
Ficha artística
- Elenco: Xoque Carbajal e Jouse García
- Autor: Jose Prieto
- Adaptación: Xoque Carbajal
- Dirección: Marcos Orsi
- Vestiario: La Canalla e Diego Valeiras
- Escenografía: Xoque Carbajal
- Iluminación: Octavio Mas
- Montaxe de son: Pepe Castro
- Fotografía: Patricia Rodríguez
- Vídeo: Pepe Castro
- Deseño gráfico: Miguel Carbajal T.
Esta actividade forma parte da aposta do Concello da Cañiza por achegar á veciñanza propostas culturais de calidade, promovendo o teatro galego e o talento local dentro do seu ciclo de Teatro de Outono.
Horario
Sábado, 8 de novembro de 2025, ás 20:30 h, no Auditorio Municipal da Cañiza, con entrada de balde.