Actividades
O Alcalde informou esta mañá dunha nova actividade divulgativa sobre as bolboretas organizada por Mundo Artrópodo e SOCEME
Dentro do programa “15 días de mariposas”, que se desenvolve do 13 ao 26 de abril, organízase unha actividade de divulgación e observación da natureza centrada no estudo das bolboretas no seu hábitat natural.
O vindeiro 18 de abril de 2026, de 12:00 a 14:00 horas, terá lugar unha visita ao transecto “Bolboretas do Río Calvo – O Feal”, na parroquia de Parada. A actividade estará guiada por Diego Diz e Jesús Tizón, quen acompañarán ás persoas participantes nun percorrido interpretativo para coñecer a diversidade de bolboretas da zona, a súa ecoloxía e a importancia da súa conservación.
A xornada está dirixida a todos os públicos interesados na natureza e na biodiversidade, e permitirá observar distintas especies de bolboretas no seu contorno natural, ademais de aprender técnicas básicas de identificación e seguimento.
As persoas inscritas recibirán información detallada sobre o desenvolvemento da actividade por correo electrónico.
📧 Inscricións: info.soceme@soceme.es
Prazas limitadas: máximo 20 persoas
A actividade está organizada por Mundo Artrópodo e SOCEME (Sociedad para la Conservación y el Estudio de las Mariposas en España), organización centrada na investigación, seguimento e conservación das bolboretas.
Horario
Data: 18/04/2026
Horario: 12:00 – 14:00 h