Teatro
O Alcalde Luis Piña presenta unha nova edición do ciclo «Teatro de Outono», que encherá o Auditorio Municipal da Casa de Cultura de comedia, música e tradicións galegas durante os meses de outubro e novembro.
Coa chegada do outono, o Concello aposta un ano máis pola cultura e polo teatro como espazo de encontro, reforzando o seu compromiso coa dinamización social e cultural da Cañiza.
A programación inclúe espectáculos para todos os públicos, con propostas familiares e representacións teatrais de recoñecidas compañías galegas:
- Domingo, 5 de outubro ás 17:00 h
“Contamos contos de lobos?” – Compañía Ghazafelhos
(Programa Ler Conta Moito) - Domingo, 19 de outubro ás 17:00 h
“Os ourizos, o musical” – Compañía Barafunda - Sábado, 8 de novembro ás 20:30 h
“De algo hai que morrer” – Malasombra Producións
(Programa +Escénicas da Deputación de Pontevedra e Ler Conta Moito) - Sábado, 15 de novembro ás 20:30 h
“Retrincos de Castelao” – Artefeito S. Coop. Galega
(Programa Rede de Dinamización Lingüística da Xunta de Galicia)
Este ciclo, organizado polo Concello da Cañiza, conta coa colaboración da Deputación de Pontevedra e da Xunta de Galicia, a través dos programas culturais Ler Conta Moito, +Escénicas e a Rede de Dinamización Lingüística.
A entrada a todos os espectáculos será de balde, co obxectivo de achegar a cultura a toda a veciñanza e fomentar a participación.
As funcións celebraranse no Auditorio Municipal da Casa de Cultura da Cañiza.
Horario
Os días 5 e 19 de outubro ás 17h e os días 8 e 15 de novembro, ás 20:30h no Auditorio da Casa de Cultura da Cañiza