Exposición Fotográfica: “Soberanía Alimentaria”

O Concello da Cañiza acolle, na planta baixa da Casa de Cultura, a exposición “Soberanía Alimentaria”, unha mostra de fotografías e vídeo do proxecto Enraizadas, que pon o foco na muller e o seu papel fundamental na soberanía alimentaria.

A exposición forma parte do programa educativo Enraizadas, unha iniciativa que procura visibilizar o traballo das mulleres vinculadas á terra, á produción de alimentos e á preservación dos saberes tradicionais rurais, destacando o seu papel esencial na sustentabilidade, na economía local e na transmisión da cultura do territorio.

As imaxes que se presentan pertencen a diversos fondos e arquivos fotográficos galegos, entre eles:

• Biblioteca Pública Municipal de Pontedeume “Poeta Ramiro Fonte”
• Arquivo persoal de Antonio M. Leira Noche
• Agrupación Instructiva de Caamouco
• Fondo Documental Fondo do Eume
• Arquivo do Reino de Galicia
• Fundación Museo Etnográfico Monte Caxado
• Museo Etnográfico da Capela

A través destas fotografías, o público poderá achegarse á memoria visual do traballo das mulleres no rural galego, ao seu esforzo colectivo e á súa contribución á soberanía alimentaria, un concepto que reivindica o dereito dos pobos a decidir sobre os seus sistemas alimentarios e produtivos, baseándose na sustentabilidade, na igualdade e na xustiza social.

A exposición conta coa colaboración da Xunta de Galicia, Deputación da Coruña, EuroEume, C.D.R. Ancares, Eomaia, Terra e Xente, Proxecto Luneda Activa e o Concello da Cañiza.

#CulturaACañiza #SoberaníaAlimentaria #Enraizadas #MullerRural #MemoriaRural #ExposiciónFotográfica #CulturaGalega #Igualdade