Actividades
O Concello da Cañiza celebrará a Xornada Informativa “Conexionedades”, o vindeiro martes 3 de marzo, ás 16:30 horas, no Centro Social de Maiores da Travesía do Mercado.
Unha iniciativa promovida por Solidaridad Intergeneracional que ten como finalidade fomentar a participación activa das persoas maiores e facilitarlles o acceso a recursos e servizos de interese.
Esta actividade enmárcase no convenio de colaboración asinado o pasado 12 de xullo de 2024 entre o Concello e a Asociación Solidaridad Intergeneracional. A través deste acordo, establéceuse unha liña de traballo conxunta para promover o envellecemento activo, a autonomía persoal e a mellora da calidade de vida da veciñanza, con especial atención ás persoas maiores, ás persoas con discapacidade e aos colectivos en situación de maior vulnerabilidade.
O convenio permitiu poñer en marcha intervencións e cursos informativos sobre recursos dispoñibles, prevención da dependencia, promoción da autonomía persoal e loita contra a soidade non desexada.
A xornada “Conexionedades”, que se celebrará o martes, supón un novo paso nesta colaboración, ofrecendo un espazo onde as persoas asistentes poderán coñecer un portal con recursos e actividades culturais, tecnolóxicas, sanitarias, económicas e sociais.
Para máis información, as persoas interesadas poden contactar con Solidaridad Intergeneracional:
• Serafina Lamas (Psicóloga)
• Teléfono: 680 559 658
• Email: sigalicia@solidaridadintergeneracional.es
Horario
O vindeiro martes 3 de marzo, ás 16:30 horas, no Centro Social de Maiores da Travesía do Mercado.