Na tarde noite do pasado 2 de decembro o Concello acendeu as súas luces de Nadal. Un alumeado elegante, que resalta o encanto e beleza das nosas rúas, prazas, espazos, lugares senlleiros e parroquias, que agora lucen coa maxia do Nadal.
O Alcalde e os concelleiros do Equipo de Goberno presentaron a conta atrás para o acendido que rematou cunha gran chocolatada con biscoitos.
DESEXOS DE FELICIDADE
Neste acto que veu a inaugurar o tempo de Nadal, o Alcalde fixo mención á importancia destas Festas para todos nós, especialmente para os máis pequenos que viven estas datas cunha ilusión máxica. Tamén recordou ás persoas que xa non están con nós e aos cañicenses na emigración aos que lle quixo trasladar o afecto e cariño das nosas xentes.
Rematou a súa intervención enviando unha mensaxe de esperanza no NOVO ANO e desexando unhas felices festas para todas e todos.
ILUMINADOS POR "XIMENEZ"
No acendido deste sábado, Luis Piña tamén resaltou a calidade estética do noso alumeado que dende o ano 2019 luce nas nosas festas navideñas da man da empresa “Iluminaciones Ximénez”. A instalación e mantemento da iluminacion corre a cargo dunha empresa da Cañiza, igual que os pasados anos.
En total se colocaron 86 elementos navideños. 15 arcos nas parroquias, 47 arcos no casco urbano, adornos en 19 árbores, instalación dun grande árbol de Nadal na Praza Maior acompañado de dúas figuras decorativas e cortinillas na Casa Consistorial.
O Alcalde Luis Piña destacou o importante esforzo desenvolvido polo Concello para poder manter este servizo e incluso reforzalo coa instalación de 4 arcos máis, 2 árbores e 1 figura navideña que axudarán a que a maxia do Nadal nos acompañe durante estas festas tan especiais e entrañables.
AFORRO ENERXÉTICO
Ademáis, con motivo da crise económica, como medida de aforro, o Concello adoptou a decisión de recortar o acendido do alumeado.
Un total de 18 horas semanais menos no casco urbano.
As luces apagaranse de domingo a xoves ás 23.00h ( antes ás 24:00h), mantendose acendido ata a 01:00h os venres e sábados.
Tamén queda eliminado o horario matinal de 6.00h a 8.00h da mañá durante todos os días.
Solo quedará acendido toda a noite do 24 de decembro ao 25, do 31 de decembro ao 1 de xaneiro e do 5 de xaneiro ao 6.
Galería multimedia
