60 Feira do Xamón na Caniza. 15 de agosto de 2026

A Festa - Feira do Xamón da Caniza cumpre 60 anos. Unha longa traxectoria percorrida por un extraordinario grupo de homes e mulleres desta terra que puxeron a súa ilusión e empeño en ofrecer e dar a coñecer a turistas e visitantes o mellor de A Caniza : o noso xamón. E a súa perseveranza foi tal que hoxe os canicenses temos o pracer de celebrar a súa 60 edición. 

Toda unha honra que queremos compartir convosco, cos amigos e veciños, turistas e visitantes, emigrantes e estranxeiros sen cuxo apoio e participación non sería posible cumprir esta nova edición.

A todos benvidos.

E benvidos tamén aos novos amigos que hoxe visitades A Caniza e a nosa festa por primeira vez. Espero, en nome de todos os canicenses, que vos levedes o mellor recordo desta Vila coñecida como “a Terra do bo xamón en Galicia”. Estou seguro de que os nosos hostaleiros e restauradores saberán atendervos con esmero e profesionalidade e que porán todo o seu empeño nesta tarefa, do mesmo xeito que nós, desde o Concello, organizador das festas, poremos toda a nosa ilusión e traballo en conseguir organizar unha gran edición.

Para conmemorar esta celebración preparamos unha completa programación, deseñada para satisfacer todos os gustos e dirixida a todos os públicos. Música, cursos de corte de xamón e cata de viños, obradoiros de xamón e de pan, espectáculos infantís e moita diversión, forman parte desta selecta programación que poderás consultar neste sitio web.

O noso obxectivo para esta nova edición non é outro que ofrecer a mellor das festas e traballar para que todos os que nos visiten nestes días nos recorden con agarimo e volvan á  nosa Vila. 

Un gran saúdo !

É a terra do xamón por varios factores pero principalmente porque posúe un microclima especial, único e idóneo para a curación dos produtos cárnicos.

Clima seco e frío, altitude ideal e temperatura adecuada: conxugación perfecta para que se curen no seu grado máis óptimo os mellores xamóns, lacóns, chourizos e demais produtos do porco.

A longa tradición xamoneira, os anos curtidos neste oficio e algún segredo dos nosos profesionais, conferiron ao Xamón de A Caniza a denominación de excepcional.

Queremos convidarte a que visites A Caniza en calquera época do ano, especialmente o 15 de agosto, data na que celebramos a Festa –Feira do Xamón na centenaria Carballeira do Cacharado e que vos levedes o mellor recordo desta Vila coñecida como a “Terra do Bo Xamón en Galicia”.

Carballeira do Cacharado da CANIZA.Travesía da Feira. (A 200 m. do acceso da Autovía A-52 Rías Baixas)

A Caniza celebra a súa 60 FEIRA DO XAMON o 15 de agosto nunha xornada que por 11º ano ofrecerá tamén xamón cortado a man.

Este ano celebrarase a XI Competición de cortadores profesionais de xamón.

Todas as racións de xamón cortadas no concurso destinaranse á venda, polo que está garantizado o sabor e a frescura deste exquisito produto.

• 11.00h Comeza a venda de tickets para a compra das racións
• 11.00h Comezo do XI Concurso Nacional de Cortadores de Xamón
• 12.00h Desfile da comitiva do xamón dende a Casa Consistorial ata a Carballeira
• 12.30h a 13.30h  Actuacións do Grupo de Gaitas «O CRUCEIRO» da Cañiza, do Grupo da «ASOCIACIÓN CULTURAL SANTA CRISTINA DE VALEIXE» e da Charanga «CLK»
• 14.30h Entrega dos premios do Concurso de Cortadores e sorteo de 2 xamóns.
• 19.00h Espectáculo infantil de animación «A cantar no verán», a cargo da COMPAÑÍA Animar-T, na rúa Oriente.
• 22.30h verbena amenizada polos grupos GALIA e ORIGEN 

Mércores 12 DE AGOSTO

• 22.30h Actuación de LUCÍA PÉREZ.

Xoves 13 DE AGOSTO

• 18:00h. Obradoiro do Bocata de Xamón Xigante para toda a familia e obradoiro de fabricación de pan para os máis pequenos.
• 22.30h verbena  amenizada pola discoteca móbil "CHOCOLATE"

Venres 14 DE AGOSTO

• 12.00h Pasarrúas cos nosos centenarios Cabezudos acompañados polo Grupo de Santa Cristina de Valeixe. Saída dende a Casa Consistorial (Rúa Oriente,11)
• 19.00h Master Class de corte de Xamón e Cata de viños diante da Casa do Concello para todos os que queiran participar ( calle Oriente). O aforo está  limitado a 100 plazas por estricta orde de inscrición e as reservas faranse unha hora antes  do inicio da actividade. Non pueden inscribirse menores de idade.
• 22.30h verbena  amenizada polas orquestras ESCAPARATE  e LA OCA BAND

Sábado 15 DE AGOSTO - 60 FEIRA DO XAMÓN NA CANIZA

• Jornada Gastronómica na Carballeira do Cacharado e XI Concurso Nacional de Cortadores de xamón
• 19.00h Espectáculo infantil de animación «A cantar no verán», a cargo da COMPAÑÍA ANIMAR-T, na rúa Oriente.
• 22.30h verbena amenizada polos grupos GALIA e ORIGEN