O Concello da Cañiza continúa coa súa programación de outono co espectáculo familiar: Ninja, da Compañía de Teatro Ghazafellos.
SINOPSE
Tori é unha nena que vive no rural galego. A Tori encántalle a cultura oriental, o karate, o Kung fu, o jiu-jitsu, as películas de Bruce Lee e Jackie Chan. O seu soño é ser unha Ninja e adestra todos os días para pasar inadvertida e observar aos demais como unha auténtica Ninja.
Tori descobre que no seu colexio hai moitas nenas e nenos que queren ser invisibles. Coa axuda do seu veciño, o señor Edelmiro, Tori conseguirá que os nenos e as nenas se fagan invisibles e cambiar así as tornas na escola.
Ninja é unha obra coa que abordamos o acoso nas escolas a través dunha historia divertida e chea de reflexións sobre a tolerancia, o respecto e a diversidade e coa que queremos amosar que un dos pasos máis importantes para resolver un problema é facelo visible.
Espectáculo subvencionado pola Deputación de Pontevedra dentro do seu programa “Tornar ás táboas 2023”
ENTRADA GRATUÍTA!