E participar no deseño da nova estratexia do Leader 2023-2027 que comeza agora
A reunión estaba dirixida a todas as formacións e asociacións da Cañiza que desexen participar e ter representación e decisión na nova estratexia de desenvolvemento local e da comarca do GDR Condado – Padaranta.
Unha estratexia que fundamenta a súa metodoloxía no concepto de traballo “abaixo cara arriba”, de modo que será a propia veciñanza, a través das diferentes asociacións, quen definirá as necesidades e as oportunidades do territorio como punto de partida para construír o futuro comarcal.
Baixo o lema «PENSA, ACTÚA E CONSTRÚE TERRITORIO» o GDR informou este martes sobre as vantaxes de pertencer ao Grupo Comarcal e alentou ás asociacións e formacións a asociarse.
Entre todos decidirase qué tipo de proxectos poderán ser beneficiarios dos fondos económicos no seguinte período 23–27, en función das necesidades que identifique a veciñanza.
5 motivos polos que asociarte ao GDR Condado Paradanta:
1º- Axuda a levar a cabo o teu proxecto de desenvolvemento.
2º- Escoita as túas propostas de mellora e de crecemento comarcal.
3º- Promove o traballo en equipo a través das mesas sectoriais.
4º- Favorece as sinerxías entre as persoas. Disporás de espazos nos que compartir experiencias e crear oportunidades de cooperación.
5º- Facilita a participación activa no desenvolvemento local. Serás parte protagonista do desenvolvemento territorial.