Unha labor que segundo informou o Alcalde Luis Piña derívase do contido na Lei 7/2022 de 8 de abril de residuos e solos contaminados para unha economía circular, que establece a obriga de recoller separadamente todos os residuos municipais producidos non só nos fogares, senón tamén no sector servizos e nos comercios (biorresiduos, envases, papel e cartón, envases de vidro, aceites de cociña, téxtiles, residuos domésticos perigosos, entullos, voluminosos, etc.).
A Deputación de Pontevedra aprobou o plan bianual (24/25) do servicio de vixilancia, inspección e control da xestión de residuos (SEVIC) de competencia municipal, ao que se adheriron 16 concellos da provincia, entre eles, o Concello de A Cañiza.
A nova Lei establece a obriga dos Concellos de dispor dun corpo de vixilancia de residuos. O SEVIC foi creado para colaborar cos concellos na supervisión dos residuos domésticos e comerciais.
A tal efecto o Concello aprobou no Pleno celebrado o 2 de xuño de 2022 a sinatura dun Convenio coa Deputación para esta xestión de vixilancia, debido á falta de medios municipais e co obxectivo de que este servizo sexa o máis eficaz posible e se poidan acadar os obxectivos de reciclaxe e redución de impropios marcados pola nova Lei.
A partir deste luns, 12 de maio, o SEVIC iniciará as visitas, nun principio de formación/información, aos produtores de residuos para recadar toda a información que permita avaliar o cumprimento da normativa aplicable, concretamente, na correcta separación dos residuos nas diferentes fraccións e garantir a súa recollida separada.
Nestas visitas entregaranse guías e ofrecerase tamén contacto telefónico para resolver dúbidas.
