O Pleno do Concello aprobou hoxe a actualización das Ordenanzas Fiscais dos Impostos do IBI, IAE e VEHÍCULOS e das Taxas do LIXO, AUGA e SANEAMENTO

• A devolución ao Ministerio de Hacienda de máis de 2.7 millóns de euros (de pago obrigatorio das facturas a proveedores) e o alto déficit dos servizos municipais (lixo, auga e saneamento) son os «DOUS MARCADORES» que obrigan á actualización da fiscalidade.

• Os costes destes 3 servizos básicos suman unha perda anual de 368.568,25 € e a devolución a Hacienda actualmente deixa ao Concello sen 46.000,00€/mes. Unha cifra que se está intentando rebaixar a 23.000,00€/mes. Pero esta decisión ten que acordala o Ministerio de Hacienda e pode variar entre 276.000,00€/ano ou no peor dos casos 552.000€/ano.

• Ademáis os costes da alta masa salarial do Concello, a subida dos costes enerxéticos e das materias primas obrigan a ter que actualizar as ordenanzas, conxeladas dende hai décadas e no caso dos vehículos sen actualizar dende 2004.

• Unha situación que o Alcalde resumiu no Pleno desta mañá abordando a complicada posición na que nos deixa o non ter cumprido coas obrigas de pago a proveedores nos tempos que marca a lei e consiguiente débeda con Hacienda e os elevados costes de 3 servizos básicos (auga, saneamento e recollida de lixo) xunto cos ingresos de cada un. As cifras revelan uns gastos de 712.758,37€, uns ingresos actuáis de 344.190,12€ e un déficit de -368.568,25€.

• Para poder reconducir esta situación o Concello está preparando un Plan de Axuste e Saneamento Financeiro para solicitar ante o Ministerio de Hacienda a rebaixa da devolución dos 2.7 millóns de euros e por outro lado esta mañá, no pleno celebrado ás 13h, acordouse adoptar a actualización da fiscalidade municipal. Unha actualización que supón unha subida media, no caso dos impostos de entre un 10 e 15% e nas taxas dos servizos dun 20%  e 25% anual.

• Ademáis acometeránse outras medidas que pasan polo recorte do gasto dos servizos ordinarios. Tamén, no capítulo VI de inversións e obras o Concello irá a “aportación cero” e recorte da plantilla de persoal que afecta ao Capítulo I do Orzamento, tentando a medio prazo (3 -4 anos)  non reemplazar as prazas de xubilación.

• En palabras do Alcalde “estamos ante un exercicio de responsabilidade da Gobernanza que tenta ser comedida pero que esixe medidas e un gran esforzo e apoio colectivo”.

O Pleno desta mañá acordou a actualización de 3 impostos e 3 taxas de servizos públicos, marcada pola actual situación económica do Concello que arrastra unha débeda (antes ante os proveedores e agora co Ministerio de Hacienda) que todos os cañicenses temos que pagar ata devolver os 2.769.008,52€ en facturas a proveedores que quedaron sen pagar en anos e mandatos anteriores e que houbo que declarar en 2022 e 2023 a través de sendos Mecanismos de Pagos a Proveedores tramitados ante o Ministerio de Hacienda.

Unha débeda que mensualmente hai que devolver en forma de retención a conta da participación do Concello nos Tributos do Estado. Esta devolución a día de hoxe é de 46.000,€/mes (552.000,00€/ano), pero que se está tentando rebaixar, elaborando un Plan de Axuste e Saneamento financeiro para minorar esta devolución a 23.000,00€/mes  (276.000,00€/ano), ampliando o prazo de devolución.

Sumando o déficit dos principais servizos municipais ( -368.568,25€.) e a devolución a Facenda ( -276.000,00, sempre que Hacienda o autorice), só estes dous marcadores supoñen unha carga anual para o Concello de -644.568,25.

Unha situación que sumada á carestía da enerxía e a suba dos prezos do mercado, xunto coas subidas salariais do persoal municipal, obriga a ter de actualizar a fiscalidade municipal.

Unha «Medida Comedida» que non é suficiente para poder equilibrar os gastos e os ingresos da prestación dos servizos, xa que a subida repercutida podería NON CHEGAR siquera para cubrir a devolución ao Ministerio de Hacienda.