Onte tivo lugar a reapertura desta fortaleza que permaneceu pechada durante a Pandemia, tempo que foi aproveitado para adaptar a súa musealización e converter o Castelo nun dos activos máis potentes da provincia.
O pasado 4 de abril, ás 11h os Alcaldes e Alcaldesas dos Concellos do Condado – Paradanta, asistiron como convidados da Presidenta da Deputación de Pontevedra, Carmela Silva Rego, á impresionante presentación da Musealización do Castelo de Sobroso e a súa reapertura tras o proxecto de posta en valor levado a cabo pola Deputación neste recurso senlleiro do patrimonio histórico da comarca.
Neste acto explicouse con detalle a historia do Castelo e a súa influencia no desenvolvemento e devenir histórico, político, social e económico dos Concellos das Comarcas do Condado e Paradanta. Unha historia que tamén é a nosa.
Sen dúbida esta fortaleza converterase nun gran centro turístico provincial.
Un lugar que paga a pena visitar !!!