No que participaron 291 nen@s dos Centros Infantís e de Primaria da Cañiza e de Valeixe.
- Unha actividade que forma parte do programa do novo servizo de «prevención de drogodependencias e outras condutas adictivas 2023», aprobado polo Pleno do pasado 16 de xaneiro que acordou a posta en marcha desta Unidade.
- O programa está enmarcado dentro do servizo de prestación agrupada e xestión compartida cos concellos de Arbo, Crecente e Melón, xestionado dende o noso Concello.
Segundo manifestou o Alcalde, "esta semana desenvolvéronse nos centros escolares da Cañiza e de Valeixe as primeiras xornadas sobre hábitos alimenticios, coincidindo cos últimos días das clases deste 2022-2023. Quedando programadas para o seguinte curso, novas accións neste mesmo eido."
Os «Almorzos Saudables» teñen como obxectivo promover hábitos de vida saudables centrados nunha alimentación equilibrada, promovendo o consumo de froitas, cereais e lácteos e sensibilizar sobre a importancia dun almorzo completo como unha das comidas principais do día.
Uns hábitos que pretenden erradicar as prácticas de consumos e de substancias aditivas non saudables. E o que é máis importante, promover e actuar no colectivo máis temperá, prestando especial atención á poboación adolescente.
As actividades estiveron dirixidas ás nenas e nenos de infantil e de primaria, estando especialmente implicados na súa organización a directiva e claustro de profesores dos centros escolares e os alumnos de 5º e de 6º de primaria que apoiaron co seu traballo o desenvolvemento das xornadas.
A todos eles, queremos agradecer moi especialmente a súa colaboración. Tamén agradecer ao persoal coidador do comedor do CPI da Cañiza e ás nais que de xeito desinteresado tamén traballaron para que esta 1ª xornada fora un éxito.
O programa reanudarase nos centros escolares no vindeiro mes de setembro, intensificando e ampliando ésta e outras accións, implicando tamén ás familias e ao profesorado co obxectivo final de que “@s nen@s se conciencien sobre a importancia de seguir una dieta alimenticia saudable e equilibrada onde prime o consumo de froita, verduras e auga”.
A actividade se completará con outras accións do proxecto nas que se traballará a importancia de conseguir unha axeitada saúde emocional. Nesta parte do proxecto participarán tamén todos os centros escolares, a través de obradoiros e os clubes deportivos dos concellos asociados.
