O Alcalde entrega os primeiros premios aos gañadores do concurso de apoio á hostalería local
Iniciado o pasado 27 de outubro, no marco da inauguración da VI tempada dos cocidos cañicenses.
O Concello sorteou o pasado 14 de novembro os 30 premios asociados á campaña de promoción dos cocidos cañicenses que se desenvolveu dende o 27 de outubro ata o día 2 de novembro.
Unha campaña que consistíu no regalo dunha rifa a todos aqueles comensais que durante dita semana, consumiran unha ración de cocido cañicense nos locais adheridos: Os do Resero, Eido do Monte, Arela, Hammond, Chiringuito da Avoa, Xamonería Xatomé, Área de Servizo, Bar Piri Piri, Casa Eligio e O Noso Bar.
Esta mañá entregáronse os primeiros premios dun total de 30 noites de hotel para dúas persoas a desfrutar nun dos establecementos da Cañiza participantes nesta iniciativa: Finca Briabí e Casa Rural Vieiro.
Na páxina web do Concello, www.caniza.org e nas redes sociais pódense consultar os números premiados.
Dende o Concello lémbrase aos portadores dos números agraciados que non puideron asistir ao acto conxunto de entrega das acreditacións, que teñen 1 mes para recoller nas oficinas municipais do Concello ( rúa Oriente, nº 11 – 1º andar da Cañiza) o vale correspondente para 1 noite de hotel para dúas persoas, debendo presentar o vale ou factura.
Recordar tamén que o período de validez dos vales está comprendido entre entre o 1 de decembro de 2025 e o 30 de marzo de 2026, agás durante o período da campaña de Nadal.
Parabéns a todos os premiados!.
