A música tradicional volve a soar nas rúas da Cañiza

O pasado venres celebramos unha nova edición do «Correbares e festival folclórico»

Un encontro de músicos e de música galega cun único obxectivo: dar a coñecer a nosa cultura a través das pezas e instrumentos musicais galegos.

As rúas da Cañiza puideron disfrutar das melodias e acordes dunha xuntanza de bandas e grupos da Cañiza e da nosa Comarca,  que dende as 20h ata as 22.30h interpretaron moreas de temas do noso repertorio tradicional: muiñeiras, xotas, pasodobres e rumbas.

Un evento do “Verán de Lecer A Cañiza 2024”, organizado pola Asociación Cultural da Cañiza, AS.CUL.CA, coa colaboración do Concello e da Deputación de Pontevedra.

Aquí vos deixamos algunhas imaxes.