«Llega 700» co obxectivo de que todos os veciños poidan ver a TDT sen problemas

O Alcalde anuncia que nos próximos días as operadoras de telefonía móbil iniciarán o despregamento da 4G e 5G para  ofrecer mellor conexión móbil e que iso pode producir interferencias na Televisión. Para iso ponse ao dispor dos veciños un servizo gratuíto ofrecido por Llega700 a través do número 900 833 999 .

 

• As operadoras de telefonía móbil Telefónica, Vodafone e Orange anunciaron que comezan a ofrecer na Cañiza servizos móbiles de nova xeración, 4G e 5G, nas bandas de 700 e 800 MHz.

• A nova tecnoloxía permitirá aos veciños gozar de servizos de datos móbiles de alta velocidade, mellorará a cobertura no interior de edificios e ampliará a extensión xeográfica.

• Con todo, este despregamento pode producir algunha incompatibilidade coa TDT (Televisión Dixital Terrestre). 

• Para solucionar estas incidencias a entidade Llega 700 será a encargada de garantir a compatibilidade desta nova tecnoloxía móbil coa TDT

• Prestando aos veciños un servizo gratuíto, atendendo aos usuarios afectados xestionando e resolvendo posibles afectacións sen custo algún. 

• Para xestionar estes servizos, púxose ao dispor dos cañicenses un teléfono de atención gratuíto (900 833 999) e unha páxina web  www.llega700.es

 

As operadoras de telefonía móbil, Telefónica, Vodafone e Orange,  anunciaron que durante as próximas semanas realizarán na Cañiza o proceso de implantación dos servizos de telefonía móbil de nova xeración, 4G e 5G, sobre as bandas de 800 e 700  MHz, respectivamente, o que permitirá aos veciños gozar de conexións móbiles de alta velocidade cunha mellor cobertura no interior dos edificios e maior extensión xeográfica. 

Para garantir a compatibilidade da nova tecnoloxía coa televisión dixital terrestre (TDT), Llega700 é a entidade posta en marcha polos operadores para solucionar calquera afectación na recepción do sinal de televisión.  

O proceso de implantación está a realizarse de forma paulatina por toda a xeografía nacional. Para comprobar as localidades onde xa están activos estes servizos pódese consultar a seguinte ligazón: https://www.llega700.es/contacto_mapa.php

O despregamento enmárcase no establecido no Real Decreto 579/2019, do 11 de outubro, a partir do cal se procedeu á liberación das frecuencias entre 694 e 790  MHz (canles 49 ao 60 de  UHF) que ata entón empregábanse para a recepción da Televisión Dixital Terrestre, proceso tamén coñecido como Segundo Dividendo Dixital. A partir de entón, ditas frecuencias foron asignadas ás operadoras de telefonía móbil para prestar os seus servizos de telefonía móbil de nova xeración.

 

Principais vantaxes: máis e mellor cobertura 

Coa nova rede móbil abriuse a porta a innovadores servizos e aplicacións, ademais de proporcionar significativas melloras tanto na velocidade de descarga, como de envío de datos (fotos, música ou contidos audiovisuais de alta definición) ou permitir sacar o máximo partido a aplicacións en liña, como os videoxogos.  

A rede de telefonía móbil de nova xeración introduce dúas melloras fundamentais. A primeira é a solvencia dos diversos problemas relacionados con orografías complicadas presentes na xeografía española onde tradicionalmente fallaba a cobertura. A segunda, é a gran penetración en zonas interiores dos edificios.

A nova xeración tamén facilita a introdución de novos servizos na área empresarial e das administracións públicas, como aplicacións empresariais en mobilidade con alto contido multimedia ou o uso da  videollamada, entre outros.

Ademais, a maior cobertura que alcanza o despregamento nas bandas de 700 e 800  MHz mellorará o servizo no interior de edificios e será a banda que permita estender xeograficamente o servizo de forma eficiente. 

Garantindo a compatibilidade da rede móbil de nova xeración e a TDT

Llega700 é a entidade xestora encargada de ofrecer os servizos que garantirán a compatibilidade entre a posta en marcha da emisión móbil 4 G e 5 G nas bandas de 800 e 700  MHz, respectivamente, e a recepción do servizo de TDT. 

Para garantir esta compatibilidade, Llega700 presta aos cidadáns unha serie de servizos gratuítos que inclúe un procedemento correctivo tras o aceso das estacións, polo que Llega700 encargarase de atender aos usuarios afectados xestionando e resolvendo posibles afectacións sen custo algún. 

Para xestionar estes servizos, púxose ao dispor dos cidadáns un teléfono de atención gratuíto (900 833 999) e unha páxina web  www.Llega700.es

 

Máis información: 

prensa@llega700.es

@chega700