Iniciamos as obras de reforma do campo de fútbol de Augas Férreas

Este xoves comezaron as obras de reforma do campo pola empresa PRACE, SERVICIOS Y OBRAS S.A. Unha obra cun investimento de  602.421,61€ e que se estima rematará en agosto.

A obra conta con dúas subvencións da Deputación provincial a través do Plan PON30 e o Plan +Provincia 2024 que permitirá ao Concello non ter que aportar ningún recurso propio.

Esta reforma é outro dos compromisos adquiridos polo Alcalde co fútbol da Cañiza, atendendo á grande afección existente no concello.

Consistirá na substitución de todo o céspede sintético do terreo de xogo, cambio da rede de rego, colocación de 4 grandes torretas de luz, impermeabilización dos vestiarios, instalación dunha caldeira de biomasa, reforma da instalación de calefacción dos aseos, vestiarios e duchas , habilitación dun novo acceso ao campo polo extremo norte e limpeza de todos os muros que delimitan o recinto.