Difundimos a información facilitada pola Secretaría de Estado de Seguridade sobre o “PLAN MAYOR SEGURIDADE”
Dirixida aos nosos MAIORES e de interese tamén para toda a cidadanía, de xeito que entre todos, poidamos cooperar e evitar feitos delitivos.
Nestes folletos se explican as pautas de conduta aconsellables e cómo reaccionar ante posibles delitos, roubos, estafas ou abusos, tanto na vía pública como no domicilio, nas viaxes, no banco ou en internet.
Estas pautas teñen por obxectivo a prevención ante os actos delitivos que máis frecuentemente se comenten contra os nosos maiores.
Nestes casos a GARDA CIVIL e a POLICÍA NACIONAL traballarán sempre para axudarnos.
Por iso se vostede ten algún problema ou cree que foi vítima dun delito, non dude en chamar á Policia (091) ou á Garda Civil (062).
Algúns Consellos
- Se perde as chaves da súa vivenda, cambie as fechaduras.
- Infórmese sobre as revisións técnicas no seu fogar, para evitar a entrada dun “FALSO TÉCNICO”.
- Non facilite datos persoais nin bancarios a descoñecidos.
- Non fale con estraños sobre os seus plans de viaxe nin o publique en redes sociais.
- No Banco, procure ir acompañado de alguén de confianza, ou pregunte aos empregados e non acepte axuda de descoñecidos.
- Utilice caixeiros interiores e oculte a súa clave secreta.
- Domicilie os seus pagos e evite sacar grandes cantidades de diñeiro.
- Se lle rouban as súas tarxetas, trate de anulalas e denuncie os feitos.
- Na vía pública trate de camiñar pola parte interior da beirarrúa.
- Leve o bolso a modo de bandoleira e non garde os seus obxectos persoais nos petos traseiros.
- En aglomeracións vixie as súas pertenzas.
- Se é vítima dun atraco, non se resista.
- Non acepte propostas que lle fagan na rúa. Pode ser unha estafa.
- Se o chaman dende un número de teléfono descoñecido, NUNCA DIGA SI. Poden estar grabando para despois utilizar a súa voz e o seu “SI” para realizar unha estafa.
