Celebramos o acto de graduación dos alumnos máis maiores da Escola Infantil Municipal de 0 a 3 anos do Concello

Este xoves os 13 pequenos alumnos do 3º curso de Infantil da EIM da Cañiza foron os protagonistas da Escola.

Nun acto entrañable de graduación organizado polo Concello, ao que tamén asistiu o Alcalde Luis Piña, os pequenos, acompañados dos seus pais,  recibiron da man das súas profesoras  os diplomas que acreditan a súa estadía na EIM. 

Os nenos permanecerán no centro municipal ata o vindeiro mes de setembro,  momento no que  comezarán unha nova etapa educativa no Centro Público Integrado da Cañiza.