Actividades
O Concello publica a programación oficial con motivo da celebración do Día das Letras Galegas 2026, unha das citas máis destacadas do calendario cultural galego.
O Alcalde Luis Piña deu a coñecer o conxunto de actividades previstas para conmemorar esta data.
Nesta edición, a celebración rende homenaxe á escritora e xornalista Begoña Caamaño, a quen a Real Academia Galega dedica o Día das Letras Galegas polo seu salientable labor literario e compromiso social.
Segundo o programa oficial, as actividades desenvolveranse ao longo do mes de maio e incluirán propostas culturais como teatro, cinema en galego e música en directo.
Entre os eventos máis destacados atópase a representación teatral Made in Galiza, prevista para o 9 de maio, a proxección cinematográfica do día 16 e un concerto coral o 23 de maio .
O acto central terá lugar o 17 de maio ás 12:00 horas no Salón de Plenos do Concello, onde se celebrará a entrega de premios dos concursos literarios organizados para a ocasión, entre eles o XXVII Concurso de Poesía e o XXV Concurso de Relatos ou Narracións Breves .
O Alcalde salientou que esta programación pretende “achegar a cultura galega á veciñanza e fomentar a participación activa na defensa da nosa lingua”, animando a toda a cidadanía a implicarse nas distintas actividades.
Horario
Do 9 ao 23 de maio de 2026. Os horarios poden consultarse na axenda de actividades de cada evento.