Actividades
Este domingo 30 de xullo, o Concello organiza un percorrido pola Ruta de «LUNEDA».
Unha ruta circular de 12,9 km, con saída e chegada ao lugar de Gonda, xunto á Praia Fluvial no Torreiro de San Roque e que ascende pola beira do regato Aceval cara os Montes da Paradanta.
O tempo de duración está estimado en 4 horas e 25 minutos e ten unha altura máxima de 923m e un desnivel acumulado de 660m.
O sendeiro percorre camiños tradicionais e pistas forestais, visitando numerosos miradoiros naturais nos altos da Paradanta, unha das zonas da Cañiza con máis valor paisaxístico e cultural.
Esta ruta forma parte da Rede de Sendeiros do Concello xunto coa Ruta de Fontefría (PR-G 206), a Rúta da Cidade Castrexa das Grades (PR-G 207), Ruta das Fragas e Levadas do Calvo e do Deva ( PR-G 165) e a Ruta do Río Ribadil.
Enlace WIKILOC: https://es.wikiloc.com/rutas-senderismo/ruta-de-luneda-109073100
PRESENTA UNHA DIFICULTADE MEDIA ALTA
Recomendacións para realizar esta ruta:
- Levar calzado axeitado para subidas e baixadas pronunciadas
- Protector solar e gorra/sombreiro
- Abundante líquido
O Concello informa que se trata dunha ruta con dificultade media - alta e recomenda inscribirse na Biblioteca Municipal a efectos organizativos e de avituallamento ( ofreceremos auga e froita).
Teléfono para inscribirse: 986 66 30 69
Horario
Saída ás 8.30h dende a Praia Fluvial de Luneda e regreso ás 13.00h ao mesmo punto.
