“Entrena Empleo Rural” - Un programa de mulleres para mulleres

O Concello anuncia a posta en marcha por 2º ano do programa formativo para mulleres: «Entrena Empleo Rural»

Un programa gratuito de orientación laboral, con prazas limitadas, que se desenvolverá do mes de marzo a xuño de 2026, impulsado pola Fundación Santa María La Real, cofinanciado polo Fondo Social Europeo Plus (FDE+) e a Fundación Mapfre, no marco do Programa Estatal de Inclusión Social Garantía Infantil e Loita contra a Pobreza, ademáis de contar coa colaboración da Xunta de Galicia e do Concello da Cañiza.

A partires do mes de marzo porase en marcha a primeira de 4 edicións do programa en diferentes puntos de España, comezando pola Cañiza, comentou esta mañá o Alcalde Luis Piña.

O Proxecto comezou en 2024 como un “Programa de Mulleres que axuda ás Mulleres” co obxectivo de que poidan encontrar un emprego e contactar con empresas. Nestes anos axudaron a reactivar a busca de traballo a preto de 300 mulleres en desemprego en zonas rurais de España.

As veciñas que estén interesadas en participar nesta edición, poden realizar a súa inscripción de forma online, antes do 16 de marzo, a través deste enlace: www.entrenaempleo.org/es/inscribete,. Tamén poden ampliar a información contactando coa técnica de emprego da Fundación en Galicia, Sarai Temes, no número de teléfono 621 269 545. Email: stemes@santamarialareal.org .

“Entrena Empleo Rural” - Un programa de mulleres para mulleres

• No que poderán participar mulleres desempregadas, maiores de 18 anos, residentes na cañiza, con calquera nivel de estudos e procedentes de calquera sector profesional con ou sen experiencia previa.
• Nesta formación taballarán unidas a través do programa que fomenta a rede de apoio e o coidado para regresar de volta ao mercado laboral e atopar a oportunidade de traballo que están buscando.

Formato semipresencial e actividades

As sesións realizaranse en formato flexible, tanto presencial como en liña, adaptándose ás necesidades das mulleres participantes que contarán co asesoramento de mulleres especialistas da Fundación Santa María a Real:

• para realizar un novo itinerario de procura de emprego e enfocar o seu obxectivo profesional.
• Actualizar o seu currículo.
• Reforzar competencias transversais e habilidades dixitais para o emprego.
• Ensaiar entrevistas para gañar confianza nos procesos de selección
• Elaborar mapas de empregabilidade .
• E realizar visitas a empresas en busca da súa inserción.

Se estás interesada recorda inscribirte antes do 16 de marzo.