Formación
O Concello acollerá a acción formativa gratuíta ‘Uso das redes sociais para a busca de emprego’, organizada por CIP Formación no marco do programa Generación D, en colaboración con Adecco Learning & Consulting.
Un novo curso de carácter presencial, cunha duración de 8 horas, que se desenvolverá durante os días 19, 21 e 22 de maio, en horario de 16:00 a 19:00 horas, na Aula Cemit da Caniza.
O curso está deseñado para axudar ás persoas participantes a utilizar de maneira estratéxica as redes sociais e as ferramentas dixitais nos seus procesos de busca de emprego. Entre os contidos destacan a creación de perfís profesionais en LinkedIn e outras plataformas, a elaboración de currículos online, o uso de portais de emprego e o desenvolvemento da marca persoal e do networking dixital.
Ademais, abordaranse aspectos relacionados coa privacidade, a seguridade dixital e a detección de posibles fraudes en internet.
Entre os beneficios desta formación destacan:
- Optimizar perfís profesionais para destacar ante as empresas
- Aprender estratexias reais de busca de emprego dixital
- Dominar LinkedIn e outras redes profesionais
- Crear un CV online eficaz
- Mellorar as posibilidades de inserción laboral
As persoas interesadas poden solicitar máis información e inscribirse a través do teléfono 695 515 511 ou do correo electrónico consultoria5@cip-formacion.com.
Actividade gratuíta con prazas limitadas.
Horario
Do 19 ao 22 de maio de 2026, en horario de 16:00 a 19:00 horas, na Aula Cemit da Caniza.