Concerto do dúo musical «MINGUANTE»

Minguante é un dúo de pop e canción de autor formado por Óscar Martínez (Marmota Phil, Música Miúda) e Miguel Alonso (Música Miúda, Miguel Alonso). Nace en 2018 para realizar un par de concertos acústicos... e xa levan máis de 150 actuacións por toda Galicia.

Nesta banda, cada un deles repártese a composición das cancións e a voz principal. Así, atopamos cancións máis próximas ao indie, principal influencia de Óscar, ou ao pop de autor, influencia habitual de Miguel.

Ata o de agora, todos os seus temas son autoproducidos nos seus estudos caseiros, encargándose eles da gravación de todos os instrumentos.

En plena pandemia de 2020 publicaron o seu primeiro EP, "Minguante", con catro cancións que foron difundindo pola rede; e, en maio de 2022 editaron o seu primeiro disco baixo o título de "A incrible historia de dous homes minguantes" (2022).