Actividades
O Concello da Cañiza convídavos a participar na Festa da Bicicleta, unha xornada pensada para gozar en familia, facer deporte e promover a mobilidade sostible polas rúas da nosa vila.
Quen pode participar?
Todas as persoas que o desexen, de todas as idades. É unha actividade aberta e pensada para compartir entre pequenos e maiores. O único requisito imprescindible para poder participar é levar casco, por seguridade.
Sorteo final dunha bicicleta
Cada participante recibirá un dorsal numerado, co que poderá participar no sorteo final dunha bicicleta que se realizará ao rematar a actividade. Un aliciente máis para acompañarnos nesta tarde festiva sobre rodas!
Recomendacións
-
Presentarse cun pouco de antelación na zona de saída.
-
Levar bicicleta en bo estado e casco axeitado.
-
Seguir en todo momento as indicacións da organización e dos voluntarios.
Esta Festa está enmarcada dentro da programación do Verán de Lecer 2025, unha proposta chea de actividades culturais, deportivas e de lecer para todos os públicos, coa que queremos dinamizar os meses estivais e promover a participación veciñal.
Horario
martes 5 de agosto de 2025, con saída ás 19:30 h desde o Concello da Cañiza.