Actividades
O Alcalde Luis Piña anunciou esta mañá o inicio do torneo internacional Melgaço Easter Cup Handball 2026, que se celebrará do 1 ao 4 de abril, e co que colabora o Concello da Cañiza, cedendo nestes 4 días as instalacións do Pavillón municipal de Touzosas (Valeixe).
Trátase dun torneo de balonmán base a nivel internacional, dirixido a categorías de formación (U12, U14, U16 e U18; alevín, infantil, cadete e xuvenil), con participación de 72 equipos masculinos e femininos procedentes de España, Portugal, Francia e Polonia. O evento está especialmente enfocado na formación deportiva e na convivencia internacional entre a mocidade.
O torneo, que conta coa homologación da Associação Andebol Viana do Castelo, da Federação Portuguesa de Andebol e co apoio institucional da Federación Galega de Balonmán, desenvolverase con partidos repartidos en catro instalacións deportivas:
- Pavillón Municipal de Melgaço
- Pavillón EB2/3 de Melgaço
- Pavillón Municipal de Deportes de Touzosas (Valeixe – A Cañiza)
- Pavillón Municipal de Arbo
A organización está orientada a clubs de formación e canteira, favorecendo tanto o desenvolvemento deportivo como a experiencia social dos xoves participantes.
Baixo o lema “Show the wolf in you” (“mostra o lobo que levas dentro”), o torneo promove o espírito competitivo, a superación persoal e a enerxía propia do deporte base xuvenil.
A Cañiza terá un papel destacado como unha das 4 sedes de xogo, acollendo encontros no pavillón de Touzosas, na parroquia de Valeixe.
Aquí deixamos o calendario de partidos:
