57 Feria del Jamón en A Cañiza. 15 de agosto de 2023

A Festa - Feira do Xamón da Cañiza cumpre 57 anos. Unha longa traxectoria percorrida por un extraordinario grupo de homes e mulleres desta terra que puxeron a súa ilusión e empeño en ofrecer e dar a coñecer a turistas e visitantes o mellor de A Cañiza : o noso xamón. E a súa perseveranza foi tal que hoxe os cañicenses temos o pracer de celebrar o seu 57 Aniversario.

Toda unha honra que queremos compartir convosco, cos amigos e veciños, turistas e visitantes, emigrantes e estranxeiros sen cuxo apoio e participación non sería posible cumprir esta nova edición.

A todos benvidos.

E benvidos tamén aos novos amigos que hoxe visitades A Cañiza e a nosa festa por primeira vez. Espero, en nome de todos os cañicenses, que vos levedes o mellor recordo desta Vila coñecida como “a Terra do bo xamón en Galicia”. Estou seguro de que os nosos hostaleiros e restauradores saberán atendervos con esmero e profesionalidade e que porán todo o seu empeño niso, do mesmo xeito que nós, desde o Concello, principal organizador das festas, poremos toda a nosa ilusión e traballo en conseguir organizar unha gran edición.

Para conmemorar esta celebración preparamos unha completa programación, deseñada para satisfacer todos os gustos e dirixida a todos os públicos. Música, cursos de corte de xamón e cata de viños, obradoiros de xamón e de pan, espectáculos infantís e exposicións forman parte desta selecta programación que poderás consultar neste sitio.

O noso obxectivo para este 57 aniversario non é outro que ofrecer a mellor das festas e traballar para que todos os que nos visiten nestes días nos recorden con agarimo e volvan á  nosa Vila. Este é o noso reto. Se o conseguimos todo o esforzo e dedicación pagará a pena.

Un gran saúdo e benvidos de novo.

E o é por varios factores pero principalmente porque posúe un microclima especial, único e idóneo para a curación dos produtos cárnicos.

Clima seco e frío, altitude ideal e temperatura adecuada: conxugación perfecta para que se curen no seu grado máis óptimo os mellores xamóns, lacóns, chourizos e demais produtos do porco.

A longa tradición xamoneira, os anos curtidos neste oficio e algún segredo dos nosos profesionais, conferiron ao Xamón de A Cañiza a denominación de excepcional.

Queremos convidarte a que visites A Cañiza en calquera época do ano, especialmente o 15 de agosto, data na que celebramos a Festa –Feira do Xamón na centenaria Carballeira do Cacharado e que vos levedes o mellor recordo desta Vila coñecida como a “Terra do Bo Xamón en Galicia”.

Carballeira do Cacharado da CAÑIZA.Travesía da Feira. (A 200 m. do acceso da Autovía A-52 Rías Baixas)

A Cañiza celebra a súa 57 FEIRA DO XAMON o 15 de agosto nunha xornada que por 8º ano ofrecerá tamén xamón cortado a man.

Este ano celebrarase a VIII Competición de cortadores profesionais de xamón.

Todas as racións de xamón cortadas no concurso destinaranse á venda, polo que está garantizado o sabor e a frescura deste exquisito produto.

• 11.00h. Comeza a venda de tickets para a compra das racións da Xornada Gastronómica matinal (de 11.00 a 14.00h)
• 11.00h. Comezo do VIII Concurso Nacional de Cortadores de Xamón
• 12.00h. Desfile da comitiva do xamón dende a Casa Consistorial ata a Carballeira
• 12.30h a 13.30h:  Actuacións do Grupo de Gaitas «BARALLOCAS» da Cañiza, do Grupo da «ASOCIACIÓN CULTURAL SANTA CRISTINA DE VALEIXE» e da Charanga «NOROESTE»
• 14.30h. Entrega dos premios do Concurso de Cortadores e sorteo de 3 xamóns.
• 19.00h. Torneo de fútbol “Trofeo Festa do Xamón” no campo de Fútbol de O Vieiro
• 19.00h. Espectáculo infantil de animación «A Bailar no Verán», a cargo da COMPAÑÍA   ANIMAR-T, na rúa Oriente.
• 22.30h verbena amenizada polo Grupo LA NAVE (Rúa Antonio Facorro) e pola Orquestra GRAN PARADA (Praza Maior)

• SÁBADO 12 DE AGOSTO,  ás 23.00h na Praza Maior:  CONCERTO DE MARIA DO CEO e da Banda de Gaitas de PARAMOS – TUI.

• DOMINGO, 13 DE AGOSTO.
  • 18.00h: Obradoiro do Bocata de Xamón para toda a familia na rúa Oriente.
  • 22.30h Actuación da banda TOP  SECRET e a discoteca móbil “RADIKAL”na Praza Maior.

• LUNS, 14 DE AGOSTO
• 12.00h Pasarrúas cos nosos centenarios Cabezudos acompañados polo Grupo de Santa Cristina de Valeixe. Saída dende a Casa Consistorial (Rúa Oriente,11)
• 19.00h. Master Class de corte de Xamón e Cata de viños diante da Casa do Concello para todos os que queiran participar ( aforo limitado)
• 22.30h verbena  amenizada polo Grupo ALKAR (Rúa Antonio Facorro) e a Orquestra SAUDADE (Praza Maior)

• MARTES, 15 DE AGOSTO 2023. 57 FEIRA DO XAMÓN NA CAÑIZA

Xornada Gastronómica na Carballeira do Cacharado e VIII Concurso Nacional de Cortadores de Xamón

• 19.00h. Espectáculo infantil de animación «A Bailar no Verán», a cargo da COMPAÑÍA ANIMAR-T, na rúa Oriente.
• 22.30h verbena amenizada polo Grupo LA NAVE (Rúa Antonio Facorro) e pola Orquestra GRAN PARADA (Praza Maior)