- Na noite deste xoves 22 de agosto, o Alcalde e Concelleiros do Goberno visitaron as instalacións para comprobar o novo alumeado.
Nesta visita Luis Piña anunciou un PARTIDO AMISTOSO INAUGURAL que se disputará o vindeiro xoves, 29 de agosto, ás 20.30h entre o equipo feminino do CELTA de Vigo, as "CELTAS" e o equipo feminino do "CLUB de FÚTBOL CAÑIZA".
- As obras de reforma, cun investimento de 602.421,61€, foron executadas pola empresa PRACE, SERVICIOS Y OBRAS, S.A. que iniciou os traballos o pasado 25 de maio.
O Alcalde Luis Piña visitou onte pola noite as instalacións, acompañado dos Concelleiros do Equipo de Goberno María José Rodríguez, Paula Bacelar e Miguel Anxo Gómez, do Director do proxecto de reforma, Julio Calderón, da responsable de zona da constructora, Ana Comesaña e da súa xefa de obra, Sara Fariña.
Nesta visita nocturna acendéronse as novas torretas de luz que iluminarán o campo de herba artificial. Catro grandes torres de 18 metros de altura, dispostas con 8 focos dobres cada unha, que suman un total de 32 novas luminarias que ademáis permitirán aforrar 1/3 de enerxía respecto dos consumos eléctricos anteriores á reforma.
O Alcalde recordou que a reforma permitiu sustituir todo o céspede sintético do terreo de xogo, en 6.786 metros cadrados de superficie e a valla perimetral do campo, cambiar o sistema de rego, habilitar un dos viais de acceso, pintar a zona de vestiarios e sustituir a caldeira de gas-oil por unha de pellets.
Ademáis coa cantidade rebaixada pola empresa adxudicataria, Prace, servicios y Obras, SL, á hora da licitación (un total de 28.496,93€) realizáronse outras melloras en toda a instalación como a habilitación dunha nova zona de adestramento, no lateral dereito do campo, para o que se aproveitou o céspede retirado que estaba en mellores condicións de uso. Ademáis pechouse cun valo toda a parte superior do campo, pintouse o exterior dos vestiarios, colocáronse dous escudos en metacrilato (do Concello e do Club de Fútbol) e parabalóns nas partes posteriores das porterías.
A reforma contou con dúas subvencións da Deputación provincial. Unha axuda de 479.948,21€, concedida a través do Plan PON30, aprobada polo Pleno da Deputación o 23 de xuño de 2023 e unha segunda subvención do Plan +Provincia 2024 de 150.970,34€, que permitiron que o Concello non teña que aportar ningún recurso propio.
Galería multimedia
