Formación
O Concello, no marco do Programa CLARA, organiza a actividade "Voando Xuntas", unha proposta dirixida a fomentar a autoestima, a igualdade e o empoderamento da infancia a través da tecnoloxía.
En que consiste?
- Trátase dunha actividade innovadora e divertida con drons, dirixida a nenas e nenos de entre 8 e 12 anos.
- A través do xogo e a tecnoloxía, búscase reforzar a confianza, promover a igualdade e espertar vocacións tecnolóxicas nun contorno lúdico e educativo.
Data e hora:
Sábado, 11 de outubro, ás 10:30 h no patio do CPI da Cañiza
Inscricións:
É necesario inscribirse previamente chamando ao número 697 486 325 (Laura).
Sobre o Programa CLARA
“Voando Xuntas” forma parte do Programa CLARA, unha iniciativa conxunta dos Concellos da Cañiza e Covelo, creada para promover a igualdade e previr a violencia de xénero mediante a posta en marcha dun servizo municipal integral e compartido.
O programa conta cun equipo multidisciplinar de profesionais nas áreas de dereito, psicoloxía, igualdade, terapias e orientación laboral. Inclúe atención psicolóxica e xurídica, actividades de benestar e saúde, así como accións de sensibilización dirixidas á cidadanía.
O Programa CLARA está financiado cunha axuda de 20.559,96 € concedida pola Dirección Xeral de Promoción da Igualdade da Xunta de Galicia, cofinanciada pola Unión Europea no marco do Programa FSE+ Galicia 2021-2027, e xestionado pola empresa Red Talento Consultoras SL, con experiencia en máis de 17 municipios galegos.
Horario
Sábado, 11 de outubro, ás 10:30 h no patio do CPI da Cañiza