Actividades
O domingo 28 de decembro, ás 16:30 horas, celebrarase o Festival de Nadal da A.D. Reviravoltas, unha cita deportiva e festiva incluída dentro da Programación de Nadal 2025 do Concello da Cañiza.
O evento terá lugar no Pavillón das Touzosas (Valeixe) e contará coa participación dos clubs C.P.A. Covelo, C.P.A. Gondomar e A.D. Reviravoltas, que ofrecerán ao público espectaculares exhibicións da man do alumnado.
Ademais das actuacións deportivas, durante o festival celebraranse sorteos e moitas sorpresas.
O festival está organizado pola A.D. Reviravoltas e conta coa colaboración do Concello da Cañiza.
Como sempre, animamos a toda a veciñanza a achegarse e desfrutar desta proposta que une deporte, convivencia e espírito do Nadal !.
Horario
O domingo 28 de decembro, ás 16:30h no Pavillón deportivo de Valeixe.