Data de impartición do curso: 6 e 7 de xuño de 2023.
Inscríbete no seguinte enderezo oficinatecnicaprevencion@asociacionerguete.org, ou chamando ao número de teléfono 986 250 240
Organizado pola Consellería de Sanidade da Xunta de Galicia, a Asociación Érguete e os Concellos da Cañiza, Crecente, Arbo e Melón.
Esta actuación está enmarcada dentro dun dos programas do Convenio de colaboración que o Concello da Cañiza asinou o pasado mes de marzo coa Fundación «ÉRGUETE»-INTEGRACIÓN para por en marcha o «PROGRAMA DE PREVENCIÓN DAS DROGODEPENDENCIAS E OUTRAS CONDUTAS ADICTIVAS 2023».
Un novo servizo de prestación agrupada e xestión compartida cos concellos de Arbo, Crecente e Melón, que está permitindo a posta en marcha desta nova unidade para os anos 2022-2025, xestionado dende o Concello da Cañiza como promotor e que xa se aprobou no Pleno celebrado o pasado 16 de xaneiro de 2023.
O programa cubre a unha poboación total de 10.810 habitantes e está dirixido á comunidade en Xeral, prestando especial atención á poboación adolescente e ás súas familias.
- As actividades do programa xiran entorno a campañas de sensibilización e información sobre os riscos asociados ao consumo de substancias e outras conductas adictivas.
- Proxectos de prevención no ámbito educativo e nos lugares de consumo de substancias ilegais e alcohol.
- Implicación dos axentes sociais en actividades de prevención laboral.
- Posta en marcha dun sistema de atención, información e asesoramiento persoal a nivel comunitario e
- Desenvolvemento de accións formativas dirixidas a colectivos específicos en risco.
Un importante servizo que entra en funcionamento para encarar un dos maiores problemas da sociedade no ámbito da saúde e no ámbito social: o consumo e abuso de drogas coa agravante de que a idade de inicio do consumo segue sendo moi temperá, entre os 12-13 anos.
6 e 7 de xuño de 2023, de 9.00h a 13.00h.