Formación
O Concello pon en marcha a sexta edición do programa de Capacitación Dixital, unha iniciativa formativa gratuíta dirixida a mellorar as competencias tecnolóxicas da veciñanza e facilitar a súa adaptación ao contorno dixital actual.
Baixo o lema “Sen límite de idade”, estes obradoiros prácticos están especialmente orientados a persoas desempregadas, inactivas, pensionistas ou xubiladas residentes no municipio, co obxectivo de reducir a fenda dixital e fomentar a autonomía no uso das ferramentas tecnolóxicas.
O programa formativo inclúe sesións sobre:
- Ferramentas ofimáticas básicas
- Uso do correo electrónico
- Xestión do correo no teléfono móbil
- Produtividade e xestión
- Ciberseguridade
Os obradoiros desenvolveranse do 2 ao 5 de marzo na Aula CEMIT, no seguinte horario:
- Luns a mércores: de 10:00 a 14:00 horas
- Xoves: de 10:00 a 13:00 horas
Esta nova edición consolida o compromiso do Concello da Cañiza coa formación continua e coa inclusión dixital, acadando xa a súa sexta convocatoria.
As persoas interesadas poden formalizar a súa inscrición chamando ao 698 19 67 86 ou escribindo a redaranagalicia@gmail.com.
Este programa enmárcase nas iniciativas de impulso á transformación dixital e conta con financiamento vinculado ao Plan de Recuperación, Transformación e Resiliencia e aos fondos europeos NextGenerationEU do Goberno de España.
Horario
Do 2 ao 5 de marzo na Aula CEMIT, no seguinte horario:
-
Luns a mércores: de 10:00 a 14:00 horas
-
Xoves: de 10:00 a 13:00 horas