NovasIr a esta sección

O Alcalde fai público hoxe un dos comunicados máis importantes do seu mandato
Data de publicación: 02 de xuño de 2021

TELEFÓNICA DE ESPAÑA despregará as súas redes de alta capacidade por fibra óptica en case todo o rural da Cañiza entre 2021 e 2022

 

 

  • NA REUNIÓN MANTIDA O PASADO 31 DE MARZO ENTRE O ALCALDE E A  COORDINADORA DE DESPREGAMENTO DE FIBRA  OPTICA GALICIA ASTURIAS DE TELEFÓNICA DE ESPAÑA, PATRICIA  RODIÑO PIÑEIRO, A EMPRESA  INFORMOU DOS DESPREGAMENTOS QUE ACOMETERÁ NA CAÑIZA GRAZAS AOS DISTINTOS PLANS SUBVENCIONADOS POLO MINISTERIO DE  TRASNFORMACIÓN DIXITAL, Os DATOS DE CADA CONCURSO E A DATA LÍMITE DE EXECUCIÓN PARA CADA PLAN.

 

  • ESTE DESPREGAMENTO DARÁ COBERTURA DE REDE VERDE A 3600 VIVENDAS DO RURAL O QUE SUPORÁ EL PASO DUN 0% A UN 63% DE COBERTURA NO MUNICIPIO ENTRE 2021 E 2022, CHEGANDO AO 100% ENTRE 2023 E 2024.

 

  • ESTE É UN DOS ESPALDARAZOS QUE NECESITABA A CAÑIZA PARA ATRAER INICIATIVAS EMPRESARIAIS E AFIANZAR POBOACIÓN XA QUE O NOSO CONCELLO ESTÁ MOI POR BAIXO DA FENDA DIXITAL.

 

  • ADEMAIS DOS BENEFICIOS SOCIOECONÓMICOS QUE SUPORÁ ESTE NOVO SERVIZO, REDUCIRASE A BRECHA EXISTENTE ENTRE OS CIDADÁNS RESIDENTES EN CIDADES E NO RURAL.

 

  • COA REDE DE FIBRA ÓPTICA OS VECIÑOS TERÁN ACCESO A UNHA CONEXIÓN DA INTERNET DE MAIOR VELOCIDADE, SIMÉTRICA, MÁIS ESTABLE E DE MAIOR CALIDADE E SEGURIDADE PARA GOZAR, CON TODAS As GARANTÍAS, DUNHA NOVA XERACIÓN DE SERVIZOS DIXITAIS NOS FOGARES.

 

  • O PLAN CONSISTIRÁ EN APAGAR A REDE E A CENTRAL DE COBRE E SUBSTITUÍLA POR REDE DE FIBRA.

 

 

Segundo manifestou hoxe o Alcalde Luís Piña, “Telefónica está a demostrar ter moi comprometida a capacidade de investimento no noso municipio e esta é unha das mellores novas para A Cañiza de cara a seguir reconstruíndo e modernizando a localidade.

Máis do 63% do territorio da Cañiza contará entre 2021 e 2022 con redes de nova xeración e alta capacidade por fibra óptica grazas aos plans de extensión de banda ancha de nova xeración, coñecidos como  PEBANG do Ministerio de Transformación Dixital, financiados pola UE a través dos Fondos FEDER de Desenvolvemento Rexional.

Este espaldarazo ao rural ten como obxectivo transformar as redes no Municipio pasando de cable a redes verdes ou fibra óptica, despregando unha rede de acceso de nova xeración baseado na arquitectura de fibra óptica ata o fogar ( FTTH) para dar cobertura ao maior número posible de veciños.

O despregamento previsto por Telefónica para o ano 2021 con cargo aos plans subvencionados dará cobertura de fibra óptica aproximadamente a 3.600 vivendas, das 5700 existentes, o que suporá un grao de cobertura no territorio da Cañiza do 63%.

Este proxecto inscríbese no Programa  PEBANG  2019 E 2020, desenvolvidos polo Ministerio de Asuntos Económicos e Transformación Dixital e cofinanciado con fondos FEDER (Fondo Europeo de Desenvolvemento Rexional) e cuxo obxectivo principal é acelerar a extensión da cobertura das redes públicas de comunicacións electrónicas de banda ancha de moi alta velocidade en zonas onde non existise acceso a este tipo de comunicacións, agora nin nos próximos anos (zonas brancas) así como a aquelas que a teñen dun só operador (zonas grises) .

Esta nova rede  FTTH permitirá dotar aos nosos núcleos rurais de funcionalidade e calidade no acceso aos servizos dixitais necesarios para a transformación dixital e por suposto , terá un impacto directo no aumento do benestar e calidade de vida dos veciños contribuíndo ao éxito dun modelo de crecemento sostible baseado na sociedade do  Gigabit. Estas redes de alta capacidade son  ultrarápidas, capaces de ofertar 100  megas, pero Telefónica xa parte cun mínimo de oferta de 600 mg a un  Gigabit

Con esta nova infraestrutura de telecomunicacións A Cañiza disporá dunha ferramenta esencial para o impulso doutros proxectos e plans enfocados ao desenvolvemento rural e ao crecemento sostible. Coa crise do COVID-19 puidemos comprobar e mesmo sufrimos as consecuencias de non contar cunhas modernas redes de telecomunicacións que garantan a conectividade  e o servizo universal a todos os cidadáns.

RESUMO DE ADXUDICACIÓNS:

GOBERNO DE ESPAÑA:  PEBANG 2019  =  39 núcleos rurais FEDER

GOBERNO DE ESPAÑA:  PEBANG 2020  = 7 núcleos rurais FEDER

XUNTA DE GALICIA: PLAN DE BANDA LONGA: 1 núcleo rural  FEADER (Fondo Agrario). Terminado en xullo de 2021. Lugar da  Miñoteira.

Por mor das dúas programacións existentes ( Pebang 2019 e 2020), Telefónica de España acometerá o despregamento global. Ao ter que chegar aos núcleos en paso,  aproveitarán para alcanzar a todo o territorio. O despregamento chegará a todo o ámbito da Cañiza, empezando polo Rural.

compartir

axenda