A Cañiza

• Estas actuacións completan a obra de construcción do Parque Central pero desenvolvéronse a parte do proxecto inicial, tendo que promoverse dende a Alcaldía de Luis Piña un novo expediente que incluíu a redacción dun proxecto modificado separado, a contratación da obra e a obtención do 100% da financiación.

• Conta cunha subvención do Plan Concellos 2019 da Deputación de Pontevedra de 12.145,56€ .

• Con todo, o Parque permanecerá pechado mentres as medidas adoptadas pola crise sanitaria provocada pola COVID-19 sigan en vigor, medidas de aplicación en todos os parques infantís do Concello.

Ainda que o parque central ten que permanecer pechado un pouco máis, o Concello segue traballando para que a súa apertura conte con todas as medidas de seguridade posibles e coas mellores condicións de lecer e esparcemento.

Despois de que o Alcalde, Luis piña, requerira á empresa adxudicataria da obra a instalación de medidas de seguridade nun muro de sostén dun dos extremos do parque por ofrecer perigo de caída aos usuarios, a empresa colocou 61 m.l. de varanda perimetral na zona oriental do parque financiado ao 100% cunha nova subvención do Plan Concellos  2019 da Deputación de Pontevedera.

Nesta mesma subvención dotada con 12.145,56 € está incluida a colocación de porterías de fútbol e canchas de baloncesto na zona deportiva, xa que estes elementos básicos de xogo non estaban incluidos na obra inicial.  Esta semana quedaron rematados todos os traballos.