NovasIr a esta sección

O Concello aposta polo Turismo Verde. Sendeiros de grande valor ecolóxico e beleza paisaxística
Data de publicación: 16 de xullo de 2020

O Alcalde, Luis pIña. solicita diante da Consellería de Medio Ambiente da Xunta unha subvención para o acondicionamento do sendeiro do Ribadil que discurre nunha ruta circular polos concellos da Cañiza e Crecente

O ALCALDE DA CAÑIZA, LUIS PIÑA, PON EN VALOR O NOSO PATRIMONIO PAISAXÍSTICO E SOLICITA DIANTE DA CONSELLERÍA DE MEDIO AMBIENTE DA XUNTA DE GALICIA UNHA SUBVENCIÓN PARA O ACONDICIONAMENTO DO SENDEIRO DO RIBADIL AO SEU PASO POLO COUTO.                                                                                                                                                                                                                                                                                                                                                                                                                                                                                                                                                                             

  • UNHAS OBRAS DE RECUPERACIÓN QUE ASCENDEN A 24.045,69 €UROS E QUE INCLÚEN A CONSTRUCCIÓN DE REFUXIOS DE MADEIRA CON MAPAS INFORMATIVOS, PANEIS INTERPRETATIVOS AO LONGO DA RUTA, MARCAS DE PINTURA, SINAIS OU BALIZAS QUE PERMITAN CONTINUAR O PERCORRIDO E ROZAS E DESBROCES EN TODO O SENDEIRO.

 

  • UN DOS ACTIVOS TURÍSTICOS MAIS IMPORTANTES QUE TEN O NOSO MUNICIPIO É A SÚA DIVERSIDADE PAISAXÍSTICA, POR ISO DENDE A ALCALDÍA SE ESTÁ FACENDO UN ESFORZO IMPORTANTE POR MANTER EN BO ESTADO ÉSTA E OUTRAS RUTAS.

 

  • O SENDEIRO DO RIO RIBADIL ESTÁ INCLUIDO DENTRO DA REDE NATURA 2000 EN 2 Km DE LONXITUDE, UN ESPAZO NATURAL PROTEXIDO DE ALTO VALOR ECOLÓXICO A NIVEL EUROPEO POLAS ESPECIES E HÁBITATS QUE CONVIVEN NESTA ZONA ÚNICA.

 

O mantemento da rede de sendeiros na Cañiza implica un traballo de desbroce e roza constante debido a abundante vexetación que nos rodea. Precisamente éste é tamén un dos atractivos que definen á nosa zona, por iso dende a Alcaldía se aposta por fortalecer e potenciar este tipo de turismo desestacionalizado, dando a coñecer os espazos e animando aos visitantes a percorrer os  nosos sendeiros, como é o caso da Ruta do Río Ribadil da Rede Natura 2000.

Para poder executar os traballos de acondicionamento neste sendeiro, a Alcaldía solicitou diante da Consellería de Medio Ambiente da Xunta unha subvención por importe de 19.872,47 euros máis iva, correspondente ao 100 % do orzamento da obra, cofinanciada co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020.

Este proxecto pretende crear un sendeiro homologado pola Federación Galega de Montaña, acondicionar a ruta de sendeirismo existente e  favorecer a interpretación do espazo Rede Natura Baixo Miño xa que o sendeiro carece de sinalización, non hai paneis nos que se expliquen as características da ruta, nin marcas de pintura, sinais ou balizas que permitan seguir o percorrido.

compartir

axenda