NovasIr a esta sección

Arrancan as obras de mellora da Estrada Provincial EP-5003 A Cañiza – Arbo da Deputación de Pontevedra
Data de publicación: 25 de abril de 2020
CUNHA INVERSIÓN DE CASE 900.000€, DA ENTIDADE PRESIDIDA POR CARMELA SILVA, A OBRA CONTEMPLA O FRESADO E REPOSICIÓN DO  FIRME NA MAIOR PARTE DOS CASE 8,5 KM DE VIAL AO SEU PASO POLO TERMINO MUNICIPAL.
 
O ALCALDE DA CAÑIZA SINALA QUE ESTA OBRA CONTEMPLA TAMÉN A  MELLORA DA SEGURIDADE VIAL CON INSTALACIÓN DE PASOS DE PEÓNS RESALTADOS E ESTREITAMENTO DOS CARRÍS NAS TRAVESÍAS DA ESTRADA.
 
A Cañiza a 25 de abril de 2020. 
 
O Alcalde da Cañiza, Luis Piña, destaca que a estrada EP-5003 A Cañiza – Arbo é unha das máis importantes da Cañiza, que atravesa a parroquia de Valeixe, polo alto fluido de tráfico diario que absorbe, pola súa conexión coa Autovía A52 Rías Baixas e por estar considerada como zona de transporte internacional ao estar preto da fronteira portuguesa de Melgaço.
 
As obras iniciadas esta semana pola Deputación de Pontevedra, adxudicada a empresa COVSA por 886.829,11 €, contemplan traballos de fresado e reposición do firme a maior parte dos tramos da estrada. Concretamente, nun dos tramos executarase unha capa de microaglomerado en frío.
 
Esta obra de mellora tamén inclúe a revisión da sinalización vertical de velocidade, elevándose algúns pasos de peóns nas zonas de Touzosas e Miñoteira, e estreitando os carrís nos tramos de núcleos coa finalidade de calmar o tráfico nos lugares de Sibei, Touzosas e Miñoteira para incrementar a seguridade.
 
Ademáis con esta actuación reordenarase a explanada situada anexa ao CEIP, Centro Escolar de Valeixe e se redistribuirán os espazos da plataforma nun tramo para favorecer o tránsito peonil.
 
Como xa anunciara a Presidenta da Deputación, Carmela Silva, estes traballos están destinados a consolidar o modelo de estradas que ten en marcha a institución en toda a Provincia para “recuperar a seguridade vial, a mobilidade peatonal e os espazos públicos para a veciñanza”.

 

 

compartir

axenda